Madrid

Hai libros que nos ensinan como é unha cidade. Este booktrailer adiántanos como é o libro que o ilustrador Javier Zabala fixo sobre Madrid.
Pero tamén é interesante coñecer o chotis, o ritmo madrileño por excelencia e o organillo, unha especie de órgano mecánico que adoitaba tocarse nas rúas a cambio dunhas moedas

O mito de Orfeo e Eurídice

Orfeo, o deus da música na mitoloxía grega, vai ser o tema dos próximos días.

Leremos o mito e faremos unha serie de visionados de obras de arte que se inspiraron nel. Óperas, ballets, pinturas, esculturas...

A historia  de Orfeo é unha historia de amor. Orfeo ten a capacidade de amansar as feras coa súa música, todo se detén cando a súa voz entoa as fermosas melodías coa súa cítara ou a súa arpa. Orfeo namórase de Eurídice, pero o seu amor está condenado e, aínda que ten a posibilidade de recuperala, as súas debilidades farán que perda a última oportunidade que os deuses lle dan para recuperar o seu amor.

Tamén poderemos ver como hai autores que se atreven a traer o mito aos ambientes modernos.

Coñeces algunha palabra relacionada coa música que derive do nome deste deus? Búscaas e tráeas a clase.